PREGHIERE DI S. TOMMASO D'AQUINO

ORATIO ANTESTUDIUM AUT LECTIONEM

CREÁTOR INEFFÁBILIS, qui de thesáuris sapiéntiae tuae tres Angelórum hierarchías designásti et eas super caelum empyreum miro órdine collocásti atque univérsi partes elegantíssime distribuísti; tu, inquam, qui verus fons lúminis et sapiéntiae diceris ac superéminens princípium; infúndere dignéris super intelléctus mei ténebras tuae rádium claritátis, dúplices, in quibus natus sum, a me rémovens ténebras peccátum scílicet et ignorántiam. Tu, qui linguas infátium facis disértas, linguam meam erúdias atque in lábiis meis grátiam tuae benedictiónis infúndas. Da mihi intelligéndi acúmen, retinéndi capacitátem, addiscéndi modum et facilitátem, interpretándi subtilitátem, loquéndi grátiam copiósam; ingréssum nstruas, progréssum dirigas, egréssum cómpleas, tu, qui es verus Deus et homo. Qui vivis et regnas in saécula saculórum. Amen

ORATIO ANTESTUDIUM AUT LECTIONEM

Maria, Mater pulchrae dilectiónis et timóris et agnitiónis et sanctae spei, cuius pia intercessióne plúrimi, quantúmvis alióquin ingénio rudes, mirábiles in scéntia et pietáte fecére progréssus, te studiórum meórum praésidem ac patrónam éligo; et, per matérnae pietátis tuae viscera, et máxime per aetérnam illam Sapiéntiam quae ex te carnem nostram assúmere teque supra omnes Sanctos caelésti lúmine illustráre dignáta est, humíliter exóro, ut mihi Sancti Spíritus grátiam, tua intercessióne, obtíneas; ita ut omni ingénio ássequi, memória retinére, elóquio exprímere possim, quae mihi aliísve, praesértim vero sanctae Ecclésiae et honóri Nóminis Fílii tui, sunt utilia, ad divinam glóriam et aeténam meam salútem. Amen



 L’importante è seminare